Este programa didáctico está destinado a nenas e nenos de primaria. A través dunha metodoloxía activa, os nenos coñecerán as coleccións do Museo e os axentes que interveñen nun comisariado profesional sendo eles mesmos os protagonistas, fomentando o seu interese polo arte e familiarizándose co proceso expositivo. Serán os encargados de seleccionar as obras, documentarse sobre elas e identificar as temáticas que ensamblen o seu esquema proyectual. Este proceso culminará coa montaxe dunha exposición na que todos os elementos serán decididos polos nenos, e que se inserirá no calendario de actividades do Sexto Edificio e terá lugar en febreiro de 2018.
Funcións dos nenos comisarios
- Coñecer as coleccións do Museo
- Seleccionar as obras
- Xerar o discurso expositivo
- Exposición, valoración, manexo indirecto, preservación e administración de bens artísticos
Obxectivos
- Comprender o concepto de colección
- Establecer un vínculo positivo co Museo de Pontevedra
- Actuar como axente activo no exercicio dos valores estéticos
Contidos
- A colección no museo
- Tipos de exposicións
- O labor do comisario na exposición temporal
- Desenvolvemento, organización e xestión dun proxecto de exposición
- Montaxe da exposición e difusión
Metodoloxía
Ensino fractal. Grupo de 4-5 nenos que investigan sobre un tema.
Temporalización
Fase I: Investigación da obra do Museo, definición do programa de comisariado, tema da exposición e deseño de sesións.
Fase II: Convocatoria pública para formación do grupo de traballo, inscrición e selección de participantes.
Fase III: Execución de 12 sesións cos nenos, 1 tarde por semana de 18 a 20h, seguindo o calendario escolar.
Fase IV: Montaxe da exposición e inauguración da exposición.
Enlace ao vídeo:
