“A observación detallada dun único obxecto, mesmo tan pequeno como os microbios de Pasteur ou tan inmenso como o universo de Einstein, é o tipo de traballo que ocorre con menor frecuencia nestes tempos. Vivimos pegados ao ordenador e á televisión, esquecémonos de observar o mundo natural que nos ensinou a sentir curiosidade polo detalle”. Jennifer New
Por iso saímos á rúa en familia, converténdonos en exploradores por un día, equipados cun plano e cun caderno de campo que nos guiarán e axudarán a descubrir a cidade, observando os seus recunchos con detemento, a través dun paseo creativo, consciente e sobre todo divertido.
